նախընտրելի դարձնել
Ոչ մի երաշխիք չկա, որ Ռուսաստանը կրկին ագրեսիա չի սկսի ներկայիս լայնածավալ պատերազմի ավարտից հետո։ Այս մասին հայտարարել է Ուկրաինայի նախագահ Վլադիմիր Զելենսկին, հայտնում է Informator.ua-ն։
Նրա խոսքով՝ ոչ ոք չի կարող երաշխավորել, որ Ուկրաինան ՆԱՏՕ-ի անդամ կդառնա։
«Միևնույն ժամանակ, պետությունը պետք է ապահովի, որ իր տարածքում անվտանգությունը լինի ամենաբարձր մակարդակի վրա։ Դրան հասնելու համար Ուկրաինան գնում է դեպի համապատասխանեցնում՝ ՆԱՏՕ-ի չափանիշներին։ Բայց, միևնույն ժամանակ, այն մշակում է անվտանգության սեփական չափանիշները։ Մենք մի երկիր ենք, որն անցնում է պատերազմի միջով և ուզում է վերջ տալ պատերազմին, որպեսզի վերադարձ չլինի։ Եվ մենք հստակ չգիտենք, թե ինչպես դա կլինի: Ոչ ոք հստակ չի ասի՝ մենք կլինենք ՆԱՏՕ-ում, թե չենք լինի»,- ասել է Զելենսկին։
Նա կարծում է, որ Ղրիմի վերադարձը Կիևի համար ավելի քիչ բարդ խնդիր է, քան Դոնբասի ետբերումը։ Մասնավորապես, քանի որ պատերազմը շարունակվում է ուղիղ Դոնեցկի և Լուգանսկի մարզերի տարածքում արդեն շուրջ 10 տարի։ Խոսքը, մասնավորապես, երկրի արևելքի բնակիչների «մտավոր վերադարձի» մասին է, հավելել է Ուկրաինայի նախագահը։
