ՆախընտրելիԼոս Անջելեսի դատարանը որոշում է ընդունել ստիպել շնատերերին«տիրություն անել իրենց շների լեզվին»` տուգանքներ կիրառելու միջոցով: Այսուհետ շները կարող են անվճար հաչել 10 րոպեից ոչ ավելի: Ամեն մի լրացուցիչ րոպեն վճարովի է եւ կարող է տերերին 1000 դոլարի վնաս հասցնել, հայտնում է ԻՏԱՌ ՏԱՍՍ-ը:
Դատարանի որոշմամբ, օրենքում լրացումներ կատարելուց հետո շներն անվճար կարող են հաչել առաջին 10 րոպեներին, 3 ժամվա ընթացքում` 30 րոպեից ոչ ավելի: Հաչելու տեւողությունը կչափեն վերահսկողական ծառայության աշխատակիցները:Ամեն ինչ սկսվել է բնակիչ Հերի Լեոնարդի ներկայացրած բողոքից, ում նյարդայնացրել էր հարեւանի շան հաչոցը , եւ նա դիմել էր դատարան: Լոս Անջելեսի քաղաքային դատարանը, ուսումնասիրելով բողոքը, գաղտնի քվեարկության արդյունքում միաձայն որոշել էր տեղական իշխանություններին պարտադրել ընտանի կենդանիներ պահելու մասին օրենքում խմբագրումներ կատարել` տուգանք սահմանելով չափից դուրս աշխույժ շների տերերի համար:
