44 երկրների ներկայացուցիչները կողմնակից են Ռուսաստանի դեմ հատուկ տրիբունալի ստեղծման գաղափարին Ուկրաինայի դեմ հանցագործությունների կատարման համար, տեղեկացրել է Նիդեռլանդների կառավարության մամուլի ծառայությունը։

Հռչակագիրն ընդունվել է  «Արդարության վերականգնում Ուկրաինայի համար» կոնֆերանսի արդյունքների հիման վրա։ Կոնֆերանսին մասնակցել է 57 երկիր։

Փաստաթղթին աջակցել են 44 երկրներ։ Այդ թվում՝ ԵՄ անդամ երկրները, Կանադան Վրաստանը, Ճապոնիան, Մոլդովան, Նոր Զելանդիան, Մեծ Բրիտանիան, ԱՄՆ-ն։

«Մենք վճռականորեն դատապարտում ենք ՌԴ ագրեսիան Ուկրաինայի դեմ; այդ ակտերը, ներառյալ Ուկրաինայի շրջանների անօրինական անեքսիան, ՄԱԿ Կանոնադրության աղաղակող խախտումներ են եւ ՌԴ-ին ենթարկեցնելու են պետական պատասխանատվության, դրանք սպառնում են միջազգային խաղաղությանը եւ անվտանգությանը, կասկածի տակ դնում հարգանքը կանոնների վրա հիմնված միջազգային կարգի հանդեպ եւ խափանում են ժողովրդավարական արժեքները»,- նշված է հռչակագրում։

Նիդեռլանդների արտաքին գործերի նախարարը կոնֆերանսում ունեցած ելույթում ողջունել է Վնասների միջազգային ցուցակի ստեղծումը։ Նրա խոսքով՝ ապրիլի 2-ի գիշերվա վիճակով ստացվել է ավելի քան 100 հայց փոխհատուցման մասին։