ՌԴ Պետդուման օրենք է ընդունել, որով անօրինական միգրանտի կողմից հանցագործության կատարումը ճանաչվում է որպես ծանրացուցիչ հանգամանք, փոխանցում է РИА Новости-ն։

Ինչպես հաղորդում է «Коммерсантъ»-ը, Պետդումայի պատգամավորները նաև օրենք են ընդունել, որը կազմակերպված խմբի կողմից իրականացված անօրինական միգրացիայի կազմակերպումը դասում է առանձնապես ծանր հանցագործության շարքը։ Նախաձեռնությունը նախատեսում է պատիժ՝ ազատազրկում 8-ից 15 տարի ժամկետով և 3 միլիոնից մինչև 5 միլիոն ռուբլի տուգանք։

Նշվում է, որ միգրացիոն քաղաքականության փոփոխությունները սկսվել են «Կրոկուս Սիթի Հոլում» տեղի ունեցած ահաբեկչությունից հետո, որն իրականացրել են Տաջիկստանի չորս քաղաքացիներ։