նախընտրելի դարձնել
ԱՄՆ նորընտիր նախագահ Դոնալդ Թրամփի հարսը՝ Լարա Թրամփը, հանել է իր թեկնածությունը Սենատում տեղ զբաղեցնելու քննարկումից, գրում է BBC-ի կայքը։
Նա այս ամիս հրաժարվել էր Հանրապետական ազգային կոմիտեի (RNC) համանախագահի պաշտոնից՝ ենթադրություններ հարուցելով, թե կարող է փոխարինել պաշտոնաթող սենատոր Մարկո Ռուբիոյին՝ Ֆլորիդայից հանրապետականին, որին Թրամփը առաջադրել է պետքարտուղարի պաշտոնում: Սակայն «X» սոցիալական ցանցում գրառման մեջ Լարա Թրամփը գրել է, որ հանել է իր թեկնածությունը «երկար մտորումներից և բազմաթիվ մարդկանց աջակցությունից հետո»:
Նա ասել է, որ հաջողություն է մաղթում Ֆլորիդայի նահանգապետ Ռոն Դեսանտիսին՝ Ռուբիոյի մնացած վեցամյա պաշտոնավարման ժամկետի համար փոխարինողի ընտրության հարցում։
«Ինձ համար մեծ պատիվ էր ծառայել որպես RNC-ի համանախագահ մեր կյանքի ամենաբարձր դրույքներով ընտրությունների ժամանակ, և ես իսկապես շոյված եմ այն անհավատալի աջակցությամբ, որը ստացել եմ մեր երկրի ժողովրդից, նաև այստեղ՝ Ֆլորիդայում»,- ասել է Լարա Թրամփը։
Չմանրամասնելով նա հավելել է, որ կարևոր հայտարարություն է անելու հունվարին։ Մարտին Լարա Թրամփն ընտրվել էր RNC-ի համանախագահ՝ ուժեղացնելով իր սկեսրայրի ազդեցությունը կուսակցության վրա նրա նախընտրական քարոզարշավի ժամանակ:
Ամուսնու՝ Թրամփի որդի Էրիկի և նրա ավագ եղբոր՝ Դոն կրտսերի հետ միասին Լարան դարձավ հանրապետական թեկնածուի նախընտրական քարոզարշավի գլխավոր օգնականներից մեկը։
