նախընտրելի դարձնելՀայաստանի Հանրապետության կենտրոնական բանկը շրջանառության մեջ է մտցրել «Նուռ» ոսկե հուշադրամը:
ԿԲ մամուլի ծառայությունից NEWS.am-ին հայտնում են, որ հուշադրամի դիմերեսին պատկերված են ՀՀ զինանշանը, հուշադրամի թողարկման տարեթիվը` 2011 եւ անվանական արժեքը` 500 դրամ: Եզրաշուրթի մոտ վերեւում եւ ներքեւում կիսաշրջագծով հայերեն եւ անգլերեն լեզուներով մակագրված են «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» եւ «REPUBLIC OF ARMENIA»:
Հուշադրամի դարձերեսի կենտրոնում պատկերված է նուռն իր հատիկներով, որից վերեւ կիսաշրջագծով հայերեն եւ անգլերեն լեզուներով «ՆՈՒՌ» եւ «PUNICA GRANATUM» գրառումներն են: Եզրագծով տեղադրված են զարդանախշեր:
Հուշադրամը շրջանագծով երկու կողմից ունի ուռուցիկ եզրաշուրթ:
Ուրվագծերի հեղինակն է Էդուարդ Կուրղինյանը: Հուշադրամը հատվել է Լեհաստանի դրամահատարանում:
Հուշադրամի բնութագիրը.
Անվանական արժեքը 500 դրամ
Մետաղը եւ հարգը ոսկի, 999,90
Զանգվածը 1,24 գ
Տրամագիծը 13,92 մմ
Դրամաշուրթը ատամնավոր
Որակը պրուֆ
Տպաքանակը մինչեւ 5000 հատ
