Ուրանի մեծ մասը, որը նախկինում պահվում էր Ֆորդոյի հարստացման գործարանում, տեղափոխվել է այլ վայր, հայտնում է Mehr-ը՝ հղում անելով իրանական աղբյուրին։

Իրանական լրատվամիջոցը գրում է, որ այս քայլը ձեռնարկվել է լարվածության սրման և իրանական միջուկային օբյեկտների, այդ թվում՝ Ֆորդոյի վրա ԱՄՆ-ի վերջին հարվածների ֆոնին։

Աղբյուրը չի ճշտում տեղափոխված ուրանի գտնվելու ճշգրիտ վայրը։

Ավելի վաղ ԱՄՆ նախագահ Դոնալդ Թրամփը հայտարարել էր, որ ԱՄՆ ՌՕՈՒ-ն գրոհել է Իրանի միջուկային ենթակառուցվածքը, այդ թվում՝ Ֆորդոյում, Սպահանում և Նաթանզում։

Ավելի ուշ հեռուստաուղերձի ընթացքում նա ասել է, որ ամերիկյան զինված ուժերն ամբողջությամբ ոչնչացրել են ուրանի հարստացման իրանական օբյեկտները։