նախընտրելի դարձնել
Սպիտակ տանը խոշորագույն տեխնոլոգիական ընկերությունների ղեկավարների հետ ընթրիքի ժամանակ ԱՄՆ նախագահ Դոնալդ Թրամփը ծաղրել է անցյալ շաբաթ սոցիալական ցանցերում տարածված առողջական խնդիրների մասին լուրերը, հաղորդում է CNN-ը։
«Այսպիսի բան ինձ հետ երբեք չի պատահել։ Ես գնում եմ միջոցառման, և մարդիկ մոտենում են ինձ և ասում. «Դու դեռ այստե՞ղ ես»։ Եվ ես հարցնում եմ. «Ի՞նչ նրանք նկատի ունեն», - կատակել է Թրամփը։
Նախագահի մի քանի օրվա բացակայությունը հանրության աչքից դավադրության տեսությունների ալիք է առաջացրել ինտերնետում։ Սոցիալական ցանցերում սկսել են ակտիվորեն քննարկել նրա առողջական վիճակը և հնարավոր խնդիրները։
Սակայն, ըստ Սպիտակ տան խոսնակի, այս ամբողջ ընթացքում Թրամփը պարբերաբար հանդիպումներ է ունեցել քաղաքականության և վարչակազմի աշխատանքի վերաբերյալ, ինչպես նաև մեկժամյա հարցազրույց է տվել Daily Caller-ին։
