ԱՄՆ-ն ՆԱՏՕ-ի երկրներից ավելի շատ ներդրումներ է ակնկալում՝ Ուկրաինային զենք մատակարարելու նախաձեռնությունում․ Հեգսեթ

ԱՄՆ պաշտպանության նախարար Փիթ Հեգսեթը չորեքշաբթի օրը հայտարարել է, որ Միացյալ Նահանգներն ակնկալում է, որ երկրներն ավելի շատ ներդրումներ կկատարեն Ուկրաինայի համար սպառազինության առաջնահերթ ցուցակ (PURL) ստեղծելու նախաձեռնության մեջ, հաղորդում է Reuters-ը։

Միացյալ Նահանգները ակնկալում է, որ իր գործընկերները կմեծացնեն իրենց ռազմական ներուժն ու կրակային հզորությունը։ Այս մասին նա լրագրողներին նա ասել է Բրյուսելում կայացած ՆԱՏՕ-ի պաշտպանության նախարարների հանդիպումից առաջ։

Ամռանը հայտնի դարձավ ԱՄՆ-ի և Հյուսիսատլանտյան դաշինքի կողմից Prioritized Ukraine Requirements List (PURL) նախաձեռնության գործարկման մասին։

Ուկրաինային աջակցելու այս մեխանիզմի շնորհիվ ՆԱՏՕ-ի անդամ երկրները և գործընկերները կկարողանան ֆինանսավորել ամերիկյան սպառազինությունների և տեխնոլոգիաների մատակարարումը՝ կամավոր ներդրումների միջոցով։