նախընտրելի դարձնել
Հայաստանի Ազգային ժողովի նիստում նոյեմբերի 12-ին քննարկվում է 2026 թվականի պետական բյուջեի նախագիծը։
Պետբյուջեի նախագծի համաձայն՝ Հայաստանի ՀՆԱ-ն 2026 թվականին կանխատեսվում է 11 տրիլիոն 933 միլիարդ դրամ։ Տնտեսական աճը կկազմի 5.4%, իսկ ՀՆԱ դեֆլյատորը՝ 3%։
Պետական բյուջեի եկամուտները կանխատեսվում են 3 տրիլիոն 91 միլիարդ դրամի չափով, որից հարկային եկամուտները կկազմեն 2 տրիլիոն 972 միլիարդ դրամ։
«Ավելին, հարկային վարչարարության բարելավման, ստվերային տնտեսության դեմ պայքարի և հարկային քաղաքականության միջոցառումների իրականացման արդյունքում, կանխատեսվում է, որ հարկերի և ՀՆԱ-ի հարաբերակցությունը կբարելավվի 0.4%-ով՝ կանխատեսվող ցուցանիշի համեմատ», - նշվում է պետական բյուջեի նախագծում։
Պետական բյուջեի ծախսերը նախատեսված են 3 տրիլիոն 628 միլիարդ դրամի չափով, որից ընթացիկ ծախսերը կկազմեն 2 տրիլիոն 924 միլիարդ դրամ, իսկ կապիտալ ծախսերը՝ 704 միլիարդ դրամ։ Սա կազմում է 2026 թվականի համախառն ներքին արդյունքի 5.9%-ը։ Դեֆիցիտը կանխատեսվում է 537 միլիարդ դրամի կամ ՀՆԱ-ի 4.5%-ի չափով՝ 2025 թվականի 5.5%-ի համեմատ։
