նախընտրելի դարձնել
Իսրայելական բանակին մարտական գործողությունների ևս մի քանի շաբաթ է պետք Իրանում իր ռազմական նպատակներին հասնելու համար, NPR-ին հայտնել են երկու իսրայելական զինվորական պաշտոնյաներ։
Իսրայելական բարձրաստիճան զինվորական պաշտոնյան NPR-ին ասել է, որ պատերազմը թուլացրել է Իրանի հրամանատարական շղթան, հետաձգել նրա միջուկային ծրագրերը և հանգեցրել երկրի ռազմական ձեռնարկությունների ոչնչացմանը։ Սակայն աղբյուրը հավելել է, որ Իսլամական Հանրապետությունը դեռևս ունի ռազմական արդյունաբերություն և ենթակառուցվածքներ, որոնց վրա Իսրայելը մտադիր է հարձակվել։
«Շատ առումներով մենք կես ճանապարհին ենք։ Եղել են շատ նշանակալի նվաճումներ թե՛ մարտավարական, թե՛ ռազմավարական մակարդակներում։ Սակայն լիակատար ռազմավարական հաղթանակ դեռևս չի ձեռք բերվել»,- պարզաբանել է պաշտոնյան։
Պաշտոնյաները նաև ենթադրել են, որ գործողության տևողությունը կարող է կրճատվել պատերազմը դադարեցնելու ԱՄՆ ջանքերի շնորհիվ։ Նրանք ընդգծել են նաև, որ իսրայելական զինվորականները չգիտեն, թե ԱՄՆ նախագահ Դոնալդ Թրամփը երբ կարող է հայտարարել Իրանում ռազմական գործողությունների դադարեցման մասին։
