Լիբիայի վարչապետ Ալի Զեյդանն, այսօր՝ հոկտեմբերի 10-ին, «Լիբիայի հեղափոխականների օպերատիվ  շտաբի» կողմից ձերբակալվելուց հետո ազատ է արձակվել:

Այս մասին հայտնում է Լիբիայի պաշտոնական ԼԱՆԱ գործակալությունը՝ վկայակոչելով հավաստի աղբյուրները: Զեյդանի ազատման մասին նաեւ հայտարարել է Reuters-ը՝  տեղի իշխանություններին վկայակոչելով:

ՆԳՆ-ի հանցավորության դեմ պայքարի վարչությունը հաստատել է Լիբիայի վարչապետ Ալի Զեյդանի ազատման լուրը, հայտնում է «ՌԻԱ Նովոստին»:

Ավելի վաղ հաղորդվել էր, որ հոկտեմբերի 10-ի վաղ առավոտյան քաղաքացիական հագուստով զինված անձինք Տրիպոլիի հյուրանոցից դուրս էին հանել Լիբիայի վարչապետին եւ տարել անհայտ ուղղությամբ: Այդ գործողությունների համար պատասխանատվությունը ստանձնել էին «Լիբիայի հեղափոխականների օպերատիվ  շտաբը» եւ ՆԳՆ-ի հանցավորության դեմ պայքարի վարչությունը:

Միաժամանակ Լիբիայի գլխավոր դատախազն ու արդարադատության նախարարը հերքել են Զեյդանին ձերբակալելու կարգադրություն տալու մասին լուրերը: 

Զինված անձինք հյուրանոցից տարել են Լիբիայի վարչապետին http://news.am/arm/news/175219.html

Լիբիայի ՆԳՆ-ն հայտարարել է վարչապետի ձերբակալման մասին

http://news.am/arm/news/175232.html