Ջրահովիտի առվի մեջից հայտնաբերված տղամարդը հարեւան գյուղից է: Այս մասին NEWS.am-ի թղթակցի հետ զրույցում ասաց Ջրահովիտի գյուղապետ Համլետ Ղազարյանը:
Նա նշեց, որ 46-ամյա Հ. Գ. տարբեր տեղերում զբաղվում էր գյուղատնտեսական աշխատանքներով: Դեպքի ժամանակ էլ դաշտը ջրելիս է եղել: Նա ամուսնացած է, ունի մի որդի եւ երեք դուստր, որդին ծառայում է բանակում: «Երեւի ինֆարկտ է խփել»,-ասաց գյուղապետը:
Նա շեշտեց, որ ընտանիքը գտնվում է ծանր սոցիալական պայմաններում, զբաղվում են գյուղատնտեսությամբ, անասնապահությամբ:
Ավելի վաղ հայտնել էինք, որ մայիսի 15-ին,գյուղի ջրատար առվի միջից հայտնաբերել են 46-ամյա Հ. Գ.-ի դին: Արտաքին զննությամբ դիակի վրա բռնության հետքեր չեն հայտնաբերվել: Նշանակվել է դատաբժշկական փորձաքննություն, նյութեր են նախապատրաստվում:
