«Անելիք բանկի» իրավաբանական վարչության պետ Հովհաննես Աթանյանի սպանության մեջ կասկածվող Մկրտիչ Պողոսյանը քիչ առաջ կալանավորվել է: Այս մասին NEWS.am-ին հայտնեցին Քննչական կոմիտեի մամուլի ծառայությունից:
Նախաքննությամբ պարզվել է կատարված հանցագործության շարժառիթը, քրեական գործով էական նշանակություն ունեցող մի շարք հանգամանքներ։ Ձեռք բերված ապացույցների հիման վրա այսօր՝ նոյեմբերի 26-ին, Մ.Պողոսյանին մեղադրանք է առաջադրվել ՀՀ քրեական օրենսգրքի 104-րդ հոդվածի 1-ին մասով:
Նույն օրը քննիչը միջնորդություն է ներկայացրել Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան՝ նրա նկատմամբ որպես խափանման միջոց կալանավորումը կիրառելու վերաբերյալ, ինչը բավարարվել է:
Հիշեցնենք, որ 2014թ. նոյեմբերի 24-ին Երեւանի Վարդանանց փողոցի 14 հասցեում հնչած կրակոցների հետեւանքով մահացել է «Անելիք բանկի» իրավաբան Հովհանես Աթանյանը: