Երեւանում հարսանիքի ժամանակ փախած տավուշցի հարսի հոր մոտ դեպքից հետո առողջական խնդկիրներ են ծագել:
NEWS.am-ի տեղեկություններով՝ աղջկա փախուստից հետո վատացել է հոր ինքնազգացողությունը, նրան տեղափոխել են հիվանդանոց:
Մեր տեղեկություններով` աղջիկն այժմ Հայաստանում չէ:
Հիշեցնենք, որ նա Տավուշի մարզի Բերդ քաղաքից էր: Նա երեւանյան սուպերմարկետներից մեկի մենեջերն էր, մեկ ամիս առաջ դուրս էր եկել աշխատանքից: Փեսացուն Իջեւան քաղաքից էր:
Շրջանառվող լուրերի համաձայն՝ հարսնացուն հարսանիքից փախուստի է դիմել այլ տղայի հետ:
Հիշեցնենք, որ նոյեմբերի 24-ին արտակարգ դեպք էր գրանցվել Հայաստանում: Հարսանիքի վերջում` տորթը կտրելու ժամանակ, հարսն ու հարսնաքույրը փախել են` իրենց հետ տանելով նվերներն ու ոսկեղենը:
Դեպքը տեղի էր ունեցել Սեւանի «Հարսնաքար» համալիրում։ Մեր տեղեկություններով` սկեսուրը նկատել է փախուստի դիմող հարսին, փորձել է կանգնեցնել նրան, հարսը հրել է նրան, նստել մեքենան ու փախել:
