Սյունիքի մարզպետ Սուրիկ Խաչատրյանը հրաժեշտ կտա պաշտոնին։

Հայաստանի կառավարությունում NEWS.am-ի աղբյուրների փոխանցմամբ, վաղը՝ հոկտեմբերի 6-ին կայանալիք կառավարության նիստում վարչապետ Կարեն Կարապետյանը հայտնելու է Սուրիկ Խաչատրյանի պաշտոնանկության լուրը։

 Ընդ որում, մեր աղբյուրի փոխանցմամբ, արդեն հայտնի է Սյունիքի նոր մարզպետի անունը։ Այդ պաշտոնը զբաղեցնելու է ՀՀ ՊՆ տեղեկատվության եւ հասարակայնության հետ կապերի վարչության պետ, գեներալ-մայոր Վարդան Ավետիսյանը։ 

NEWS.am-ի թղթակցի հետ զրույցում Վարդան Ավետիսյանը հրաժարվեց մեկնաբանել այս տեղեկությունը։