Երեւանում այսօր` հունիսի 17-ին ժամը 17:00-ի սահմաններում հերթական ինքնասպանությունն է գրանցվել:

Ինչպես դեպքի վայրից NEWS.am-ին հայտնում է ֆոտոլրագրող Գագիկ Շամշյանը, երիտասարդ մի աղջիկ, շուրջ 20-25 տարեկան, Կիեւյան կամրջից իրեն ցած է նետել եւ տեղում մահացել:

Արդեն դեպքի վայր են ժամանել ոստիկանության Մաշտոցի բաժնի աշխատակիցները, այստեղ են նաեւ դիակ տեղափոխող ավտոմեքենան:

Ոստիկանները սպասում են դատական բժշկին, որից հետո կպարզվի ինքնասպան եղած աղջկա ինքնությունը:

Երիտասարդ աղջիկը կամրջից նետվելուց առաջ նամակ է թողել, որում ասվում է. «Արդեն հոգնել եմ քեզանից, զզվել եմ ամեն ինչից: Ստրուկ եմ դարձել քո ձեռքը, մահն է միակ իմ ընկերը: Լավ ապրեք, այսքանը եւ վերջ: Հերիք ու բոլ եղավ, հաջողություն: Հայկուհի»:

Լուսանկարները եւ տեսանյութը` Գագիկ Շամշյանի