Ուկրաինայի ներքին գործերի նախարարությունը հարցաքննության է կանչել Ռուսաստանի քաղաքացիներ, Պետդումայի պատգամավորներ Վլադիմիր Ժիրինովկիին, Գենադի Զյուգանովին, Սեգեյ Միրոնովին, պաշտպանության նախարար Սերգեյ Շոյգային եւ միլիարդատեր Կոնստանտի Մալաֆեեւին: Այդ մասին հաղորդում է Ուկրաինայի ՆԳՆ մամուլի ծառայությունը հաղորդում է unian.net-ը:
Նշվում է, որ Ուկրաինայում Ռուսաստանի դեսպան Միխայիլ Զուրաբովին համապատասխան անձանց կանչի մասին նամակ է ուղարկվել՝ հաղորդելով՝ որպես կասկածյալ հարցաքննության անցկացելու մտադրության մասին: «Ուկրաինայի ՆԳՆ գլխավոր քննչական վարչության կողմից տվյալ անձանց նկատմամբ նախադատական հետաքննություն է իրականացվում Ուկրաինայի Քրեական օրենսգրքի 260-րդ հոդվածի 3,5 մասերով (Օրենքով չնախատեսված ռազմականացված կամ զինված խմբավորումների ղեկավարություն, դրանց ֆինանսավորում, զենքի, զինամթերքի, պայթուցիկ սարքերի կամ ռազմական տեխնիկայի մատակարարում, ինչպես նաեւ տվյալ խմբավորումների կազմում ձեռնարկությունների, ստորաբաժանումների, կազմակերպությունների կամ քաղաքացիների վրա հարձակում, ինչը հանգեցրել է մարդկանց մահվան կամ այլ ծանր հետեւանքների)», - նշում են ՆԳՆ-ում:
