Իրաքում բռնության եւ ահաբեկչությունների հերթական ալիքի արդյունքում հոկտեմբեր ամսին առնվազն 1273 իրաքցի է զոհվել, ավում է Բաղդադում ՄԱԿ-ի առաքելության զեկույցում:
Զոհվածների թվում 856-ը խաղաղ բնակիչներ են եւ 417-ը՝ իրավապահ մարմինների աշխատակիցներ: Փոխհրաձգությունների եւ ահաբեկչությունների ընթացքում վիրավորվել է Իրաքի 2100 քաղաքացի: Անվտանգության ոլորտում հոկտեմբեր ամսվա վատագույն քաղաք է ճանաչվել մայրաքաղաք Բաղդադը: Այստեղ մեկ ամսվա ընթացքում 379 խաղաղ բնակչի մահ է արձանագրվել, ասվում է ՄԱԿ-ի ներկայացուցիչների հաղորդագրության մեջ, հայտնում է «ՌԻԱ Նովոստին»;
Իրաքում զոհվածների մասին բերված տվյալները չեն ներառում Անբար նահանգի զանգվածային սպանությունները, որտեղ «Իսլամական պետության» զինյալների եւ տեղական սուննի ցեղի միջեւ արյունալի մարտեր են ընթանում, նշում է Assciated Press-ը: