Մալայզիայի բարձրագույն հոգեւորականությունն արգելել է երկրի մահմեդականներին միանալ «Իսլամական պետություն» ծայրահեղական կազմակերպությանը: Այս մասին հայտնել է AsiaOne պորտալը:
«Համարում ենք, որ սրբազան պատերազմ մղելու, ինչպես նաեւ ինքնազոհողության գնալու իսլամիստների կոչերը հակասում են իսլամի հիմնադրույթներին»,-հայտարարել է Ֆեթվաների հարցերով ազգային խորհրդի նախագահ Աբդուլ Շուհոր Հուսինը:
«Մալայզիայի մահմեդականները չեն կարող անդամակցել ԻՊ-ին»,-ասել է նա:
Երկրի պաշտպանության փոխնախարար Աբդուլ Ռահիմ Բաքրին հայտնել է, որ «ծայրահեղականների ազդեցությունը զինված ուժերում այնքան մեծ չէ, որ անհանգստություն առաջացնի»:
Միաժամանակ, Աբդուլ Ռահիմ Բաքրին հայտնել էր, որ Զինված ուժերի շարքերում 70 մարդ է հայտնաբերվել, որոնք համակրում են իսլամիստներին:
