2002 թվականին ՄԱԿ-ի Գլխավոր վեհաժողովը № A/RES/57/129 բանաձեւով մայիսի 29-ը հռչակեց Խաղաղարարների միջազգային օր (International Day of United Nations Peacekeepers): Երբ 1948 թվականի այս օրը ՄԱԿ-ի Անվտանգության խորհուրդը խաղաղությանն աջակցության առաջին առաքելությունը հիմնեց, դահլիճում ներկաներից քչերը կարող էին պատկերացնել, թե որքան կարող է փոփոխվել ՄԱԿ-ի խաղաղարար գործունեությունը:
Ըստ Calend-ի, երկնագույն սաղավարտներով զինծառայողներն ու նրանց քաղաքացիական գործընկերները համատեղ ջանքերով ընտրություններ են կազմակերպում, մասնակցում են ոստիկանության եւ դատական համակարգի կազմավորմանը, խրախուսում եւ պաշտպանում են մարդու իրավունքները, հաստատում են տղամարդկանց եւ կանանց հավասարության սկզբունքները, մասնակցում են տարածքների ականազերծման աշխատանքների եւ այլն: Խաղաղարարների աշխատանքը մշտապես ուղեկցվում է վտանգներով:
Եվ այսօր՝ Խաղաղարարների միջազգային օրը, ՄԱԿ-ը ողջունում է ավելի քան 111 հազար խաղաղարարների, ինչպես նաեւ հարգում է զոհված խաղաղարարների հիշատակը: ՄԱԿ-ի խաղաղարար ուժերի պատմության ընթացքում ավելի քան 3.326 «կապույտ սաղավարտ» է հանուն խաղաղության զոհել կյանքը: