Վերջին տարիներին ակնհայտ է դարձել հեռախոսազանգերի, այդ թվում՝ միջազգային զանգերի քանակի նվազելը։ Այս մասին հուլիսի 1-ին՝ ընկերության 10-ամյակին նվիրված մամուլի ասուլիսի ժամանակ, լրագրողներին հայտարարեց ընկերության գլխավոր տնօրեն Ռալֆ Յիրիկյան՝ պատասխանելով NEWS.am-ի թղթակցի հարցին։

Նրա խոսքով՝ մի քանի տարի առաջ հաճախորդներին պետք էին միայն հեռաձայնային ծառայություններ, իսկ հիմա առավել պահանջված է տվյալների փոխանակումը։ Հեռախոսով ինտերնետ մտնելու շնորհիվ առօրյա կյանքով ավելի ու ավելի շատ խնդիրներ են լուծվում։ Այնպես որ ինտերնետի աճող պահանջարկը արդարացված է։ Մյուս կողմից, ավելի քիչ են օգտվում ձայնային ծառայություններից։ Այդ երեւույթը փոխհատուցելու համար հայտնվել են ինտերնետի համար նոր սակագնային պլաններ եւ սմարֆթոնների վաճառքը։ «Այսպես, ընկերության ավելի քան 2 մլն բաժանորդներից 1.12 մլնը օգտվում են բջջային ինտերնետից։ Այսօր երկրորդ միտումը դեռեւս չի հավասարակշռում առաջինը։ Դրա համար մի քանի տարի պետք կլինի։ Սակայն տվյալների փոխանակումից ստացվող շահույթը մշտապես աճում է, այնպես որ մեր մարտավարությունը ճիշտ է»,- նշեց Յիրիկյանը։

Ներկայումս «Վիվասել-ՄՏՍ»-ը Հայաստանում զբաղեցնում է հեռահաղորդակցման շուկայի 60 տոկոսից ավելին, ինչը նշանակում է ավելի քան  2 մլն բաժանորդ։