Բաղրամյան պողոտայում բողոքի ակցիաներից հետո ՀՀ իշխանությունները գիտակցեցին, որ ամեն տեսակ կատակները հղի են վտանգներով եւ որ այլեւս չեն կարող կանխել իրենց համար ոչ բարենպաստ զարգացումները: Այս մասին, այսօր՝ հուլիսի 8-ին, լրագրողների հետ հանդիպման ժամանակ նշել է տնտեսագետ, նախկին ԲՀԿ-ական պատգամավոր Վարդան Բոստանջյանը՝ անդրադառնալով էլեկտրաէներգիայի թանկացման խնդրին:
«Հաշվի առնելով վերջին իրադարձությունները, ուզում եմ մտածել, որ մեր ղեկավարները հակված են առավել արդյունավետ կառավարման: Մեր երիտասարդության միասնությունը Բաղրամյան պողոտայում ավելի ազատ սերնդի խոսք դարձավ»,-ընդգծել է Բոստանջյանը՝ հավելելով, որ իշխանությունները հասկացան, որ եթե այսպես շարունակեն, դա հղի կլինի անցանկալի հետեւանքներով: