Մալայզիայի մայրաքաղաք Կուալա Լումպուրում Հարավ-արեւելյան Ասիայի երկրների ընկերակցության կազմակերպած համաժողովի շրջանակներում երկկողմ հանդիպում են ունեցել Ռուսաստանի ԱԳ նախարար Սերգեյ Լավրովն ու ԱՄՆ պետքարտուղար Ջոն Քերրին, որոնք քննարկել են, մասնավորապես, Ուկրաինայում հակամարտության կարգավորմանն ուղղված մինսկյան համաձայնագրերի կատարմանը եւ Սիրիայի իրավիճակին վերաբերող հարցեր: Այս մասին լրագրողներին հայտնել է ԱՄՆ պետքարտուղարություն ներկայացուցիչը, որը նույնպես ամերիկյան պատվիրակության կազմում է, հաղորդում է ՏԱՍՍ-ը:
Նրա խոսքով, կողմերը քննարկել են Սիրիայի նախագահ Բաշար Ասադի ռեժիմի կողմից քիմիական զենքի տիրապետման եւ դրա հնարավոր օգտագործման հետ կապված քայլերը շարունակելու անհրաժեշտությունը: