Ռուսաստանը ապակառուցողական դիրքորոշում է ցուցաբերել Ուկրաինայի եւ Եմ-ի միջեւ ազատ առեւտրի գոտի ստեղծելու բանակցությունների ժամանակ: Այս մասին հայտարարել է Ուկրաինայի նախագահ Պյոտր Պորոշենկոն՝ Լիտվայի նախագահ Դալիա Գրիբաուսկայտեի հետ հանդիպման ժամանակ, հաղորդում է «Ուկրինֆորմը»:
«Երեկ կայացել է նախարարական խմբի նիստը՝ Եմ-ի հետ խորը եւ համապարփակ ազատ առեւտրի գոտի ստեղծելու հարցով: Ցավոք, մենք կարող ենք արձանագրել, որ Ռուսաստանի դիրքորոշումը կրկին ոչ կառուցողական է եղել:
Կարող եմ նշել մի բան. Ոչ Ուկրաինան, ոչ Եվրոպական միությունը չեն արձագանքի որեւէ շանտաժի: Մենք վճռական ենք մեր ձգտման մեջ՝ 2016-ի հունվարի 1-ից ամբողջ ծավալով իրականացնել մեր ծրագրերը»,-ասել է Պորոշենկոն:
Նրա խոսքով, փաստացի Ուկրաինայի նկատմամբ Ռուաստանի պատժամիջոցները գործում են դեռեւս 2013-ից, որի հետեւանքով ՌԴ-ի հետ ապրանքաշրջանառությունը կրճատվել է 4 անգամ: