![](img/news/31/51/37/default.jpg)
Ավետիսյանների ընտանիքի սպանության գործով դատավարության նկատմամբ հասարակայնության հետաքրքրությունն օրեցօր թուլանում է:
Կայազորային դատարանի դահլիճը, որտեղ ընթանում է դատավարությունը, յուրաքանչյուր հաջորդ նիստին ավելի ոււ ավելի «ընդարձակ» է դառնում: Մարտի 4-ի նիստին դահլիճում հիմնականում ոստիկաններ ու լրագրողներ էին:
Հիշեցնենք, որ դահլիճի փոքր չափերն էին հիմնական պատճառը, որ պահանջում էին նիստերը տեղափոխել Շիրակի մարզի ընդհանուր իրավասության դատարան: Այս պահին դրա անհրաժեշտությունն այլեւս չի նկատվում:
2015 թ. հունվարի 12-ի լուսաբացին հանցագործը Գյումրիում սպանել էր Ավետիսյանների ընտանիքի 6 անդամներին: Փոքրիկ Սերյոժային հանցագործը փորձել էր սվինով սպանել: Բժիշկները յոթ օր պայքարեցին վեց ամսական երեխայի կյանքի համար՝ նա երկու վիրահատություն տարավ, սակայն հունվարի 19-ին մահացավ: Սպանության իրականացման մեջ մեղադրվում է 102-րդ ռուսական ռազմաբազայի զինծառայող Վալերի Պերմյակովը: Կայազորային զինվորական դատարանը, որը ենթակա է ՌԴ Հյուսիսկովկասյան շրջանային զինվորական դատարանին, արդեն Պերմյակովին 10 տարվա ազատազրկման է դատապարտել՝ դասալքության ու զենքի ապօրինի պահման համար: