Ռոսավիացիան կարծում է, որ ներկա պայմաններում Թուրքիայի հետ ավիահաղորդակցություն զարգացնելը նպատակահարմար չէ։ Այս մասին ասել է գերատեսչության ղեկավար Ալեքսանդր Ներադկոն, փոխանցում է Gazeta-ն։
«Դուք գիտեք, թե ինչպիսի ոչ բարեկամական արարք է իրեն թույլ տվել Թուրքիան Ռուսաստանի նկատմամբ, ինչպիսի մեծ ռիսկեր կան։ Ռոսավիացիան ներկա պայմաններում Թուրքիայի հետ ավիահաղորդակցություն զարգացնելը նպատակահարմար չի համարում։ Ես խոսել եմ «Ուրալյան ավիաուղիների» գլխավոր տնօրենի հետ, նա նույնպես այդպես է կարծում։ Ընկերությունը նման թույլտվություն է ստացել ապագայում հնարավոր թռիչքների համար»,- ասել է Ներադկոն։
Նա նշել է, որ ավիաընկերությունները սիրում են թույլտվություններ ստանալ, փաստաթղթեր ունենալ, որոնք հաստատում են ապագայում տարբեր ուղղություններով հնարավոր թռիչքների հնարավորությունը, սակայն այս պահին «Ուրալյան ավիաուղիները» թռիչքներ իրականացնել չեն պատրաստվում։
