![](img/news/32/60/52/default.jpg)
Իսրայելի վարչապետ Բենյամին Նեթանյահուն ՄԱԿ-ի՝ իր երկրում հավատարմագրված բոլոր աշխատակիցներին Եվրոպայի պատմության անվճար դասընթաց է առաջարկել: Նրան վրդովվեցրել է Երուսաղեմի սրբավայրերի մասին վերջերս ընդունված բանաձեւը:
Նախորդ ամիս ՅՈՒՆԵՍԿՕՆ դատապարտել էր Իսրայելին ագրեսիայի եւ անօրինական միջոցառումների համար, որոցով խոչընդոտել է մուսուլմանների ազատ մուտքը նրանց համար սուրբ համարվող Ալ Աքսա, առանց հիշատակելու այդ օբյեկտի հրեական անվանումը եւ նրա նշանակությունը հրեական ավանդույթներով:
«Երկու շաբաթ առաջ ես շոկի մեջ էի՝ տեղեկանալով, որ ՅՈՒՆԵՍԿՕՆ որոշում է կայացրել, որով հերքում է հրեա ժողովրդի որեւէ կապ Տաճարի լեռան՝ մեր մեծագույնս սրբավայրի հետ: Դժվար է հավատալ, որ որեւէ մեկը, էլ չասած կազմակերպության մասին, որը լիազորված է պահպանել պատմությունը, կարող է կասկածի տակ դնել հազարավոր տարիներ գոյություն ունեցող կապը»,-ասել է Նեթանյահուն:
«Այսօր ես հայտարարում եմ Իսրայելում ՄԱԿ-ի ողջ անձնակազմի համար եվրոպական պատմության սեմինար անցկացնելու մասին»,-ասել է նա՝ հավելելով, որ անվճար դասընթացները տեղի կունենան իր նստավայրում, իսկ դրանք կանցկացնեն «առաջատար գիտնականներ»: