ՄԱԿ-ի գլխավոր քարտուղար Պան Գի Մունը ողջունել է Իսրայելի եւ Թուրքիայի պայմանավորվածությունները հարաբերությունների կարգավորման վերաբերյալ` դրանք կոչելով «տարածաշրջանում կայունության հուսադրող ազդանշան», հայտնում է Ֆրանս Պրեսսը:
«Ես ողջունում եմ այսօր Իսրայելի եւ Թուրքիայի միջեւ հարաբերությունների կարգավորման մասին հայտարարումը», — հայտնել է գլխավոր քարտուղարը Երուսաղեմում, որտեղ հանդիպում է անցկացնում Իսրայելի նախագահ Ռեուվեն Ռիվլինի հետ:
Իսրայելի եւ Թուրքիայի կառավարությունների ղեկավարները հայտնել են վեց տարվա փոխադարձ օտարացումից հետո հարաբերությունների կարգավորման վերաբերյալ պայմանավորվածությունների ձեռքբերման մասին: Գործարքը ենթադրում է դեսպանների վերադարձ Թել Ավիվ եւ Անկարա, համատեղ աշխատանք Գազայի հատվածում մարդասիրական իրավիճակի կարգավորման ուղղությամբ, ինչպես նաեւ գազային ոլորտում համագործակցության հաստատում:
