Թուրքիայի Անթալիա նահանգի Քեմերի քաղաքապետ, «Ազգայնական շարժում» կուսակցության անդամ Մուսթաֆա Գյուլին հեռացրել են կուսակցությունից սպանված ռուս օդաչուի ընտանիքին բնակարան նվիրելու առաջարկի պատճառով։
Թուրքական Sozcu–ի փոխանցմամբ՝ Քեմերի քաղաքապետը նշել է, թե Քեմերում տուրիզմը խորտակված վիճակում է եղել եւ ինքը մի քանի անգամ այդ հարցով դիմել է կուսակցության գլխավոր գրասենյակ, սակայն որեւէ լուծում չեն առաջարկել։
«Քեմերի բնակիչների, հասարակական կազմակերպությունների ու գործարարների աջակցությամբ որոշեցինք բնակարան նվիրել ռուս օդաչուի ընտանիքին։ Հանուն Քեմերի ենք այդ որոշումը կայացրել»,–ասել է քաղաքապետը՝ խուսափելով մեկնաբանել իրեն կուսակցությունից հեռացնելու որոշումը։
