Ֆրանսիայի բնակչության թվով հինգերորդ բնակավայում՝ Նիսում, տեղի ունեցած ահաբեկչությունը Ֆրանսիայի ոստիկանությանն ուղղված հարցերի փոթորիկ է առաջացրել: RFI-ի փոխանցմամբ՝ Facebook սոցցանցում Նիսի բնակիչներից շատերը, մասնավորապես նրանք, ովքեր երեկ եղել են Անգլիական ափին, հարց են տալիս, թե ինչպե՞ս կարող էր դա տեղի ունենալ:
Ահաբեկչի բեռնատարը կարողացել է ընթանալ երկու կիլոմետր՝ մինչ ոստիկանները հաջողել են նրան գնդակահարել: Համացանցի շարքային օգտատերերը, ինչպես նաեւ ֆրանսիական բոլոր հրատարակությունների լրագրողները հարց են տալիս՝ ինչպե՞ս է քաղաքի ամենապաշտպանված հատվածը, որն ամեն տարի ազգային տոնի օրը գտնվում է ոստիկանության հսկողության տակ, նման հարձակման ենթարկվել: Ինչպե՞ս է վիթխարի բեռնատարը անցել երկու կիլոմետր, երբ նրա ընթացքի մեկնարկի վայրը արգելափակված էր հատուկ պատնեշով: Ինչպե՞ս է բեռնատարը կարողացել խփել մարդկանց, ապա արագություն հավաքել եւ երկու կիլոմետր ընթանալով ճզմել նրանց: Եվ ինչո՞ւ այդ ընթացքում ոչ մի ոստիկան չի եղել: Իսկ ամենագլխավորը՝ ինչո՞ւ նրանցից ոչ մեկը չի եղել փողոցի արգելապատնեշների մոտ, որտեղից բեռնատարը կարող էր ափ մտնել։
