Ռուսաաստանի Տուրօպերատորների ասոցացիայի գործադիր տնօրեն Մայա Լոմիձեն հայտնել է, որ այս տարի Ռուսաստանի ու Թուրքիայի միջեւ չարթերային ավիափոխադրումները չեն վերականգնվի, հայտնում է «Իզվեստիյան»:
Նա պատմել է, որ Թուրքիայից եկած պատվիրակության ու ռուսաստանյան գերատեսչությունների ղեկավարության հուլիսի 14-ի հանդիպման ժամանակ ռուսական կողմը բարձրացրել է զբոսաշրջիկների անվտանգության հարցը՝ մասնավորապես օդանավակայաններում, հանգստավայրերում, զբոսաշրջիկներին օդանավակայանից հյուրանոց հասցնելու ճանապարհին: Կողմերը որոշել են, որ Թուրքիան կտրամադրի զբոսաշրջիկների համար վտանգավոր վայրերի ցանկը:
«Ռուսական կողմի պահանջները ու Թուրքիայի արձագանքը դրանց աշխատախումբը կներառի մեկ փաստաթղթում, կքննարկի ու կներդնի այն»,- շեշտել է Լոմիձեն:
Նրա խոսքով, Թուրքիայում ռազմական հեղաշրջման փորձը ուժեղ անդրադարձել է այդ երկրում հագստանալու՝ Ռուսաստանի քաղաքացիների ցանկության վրա: Ընդ որում նվազել է դեպի Թուրքիա ուղեւորությունների պահանջարկը:
Ընդ որում նա հավելել է, որ ռուսաստանցիները, որոնք արդեն գնել էին Թուրքիայի տուրեր, չեն շտապում հրաժարվել դրանցից: