Ադրբեջանի քրեական օրենսգրքում փոփոխություններից հետո ԱՄՆ Հելսինկյան հանձնաժողովի ղեկավար կոնգրեսական Քրիստոֆեր Սմիթը հայտարարություն է տարածել, հայտնում է contact.az–ը։
«Ոչ մի կասկած չկա, որ Ադրբեջանի ՔՕ նոր դրույթներին համապատասխան, որոնց համաձայն՝ նախագահին առցանց «վիրավորելու» համար քրեական պատիժ է սահմանված, կալանավորվող անձը քաղբանտարկյալ է համարվելու։ Այդ նոր դրույթները ակնհայտորեն խախտում են ԵԱՀԿ–ի առաջ Ադրբեջանի ստանձնած մարդու իրավունքների եւ պարտականությունների միջազգային չափանիշները։ Ադրբեջանի կառավարությանը կոչ եմ անում փոխել այդ դրույթներն ու ազատել քաղբանտարկյալներին, որոնք անհիմն բանտարկվել են կառավարությանը քննադատելու համար»,– ասված է հայտարարության մեջ։