Հայ ազգային կոնգրեսի նախընտրական ցուցակը գլխավորելու է Հայաստանի առաջին նախագահ Լեւոն Տեր-Պետրոսյանը: Այս մասին դեկտեմբերի 9-ին ավանդական խորհրդարանական ճեպազրույցների ժամանակ հայտնեց ՀԱԿ խմբակցության ղեկավար Լեւոն Զուրաբյանը:
Հարցին, ո՞վ է գլխավորելու ՀԱԿ-ի նախընտրական ցուցակը, պատգամավորը պատասխանեց. «Ես վստահ եմ, որ մեր ցուցակը գլխավորելու է Լեւոն Տեր-Պետրոսյանը»:
Քաղաքական այլ ուժերի հետ բանակցություններ, ըստ Զուրաբյանի, հնարավոր են, բայց նա չի կարծում, որ որեւէ մեկը կարող է նախընտրական ցուցակը գլխավորելու համար ավելի լավ թեկնածուի առաջադրել, քան Լեւոն Տեր-Պետրոսյանն է: