ԲՀԿ նախկին առաջնորդ Գագիկ Ծառուկյանի վերադարձը երկրի քաղաքական կյանքում անհրաժեշտություն է։ Այս մասին դեկտեմբերի 9-ին՝ խորհրդարանական ճեպազրույցների ժամանակ, ասել է ԲՀԿ խմբակցության պատգամավոր Միքայել Մելքումյանը։
Նրա խոսքով՝ Ծառուկյանի հեռանալուց հետո ընկած ժամանակահատվածը ցույց տվեց, որ նրա տեղը չի լրացվել։ «Սակայն վերջնական ձեւաչափերի եւ մանրամասների մասին պետք է հայտարարի միայն ինքը՝ Գագիկ Ծառուկյանը»,– ասաց պատգամավորը եւ հավելեց, որ Ծառուկյանը ԲՀԿ–ի հիմնադիրն է եւ դե ֆակտո առաջնորդը։
«Կգլխավորի արդյոք նա նախընտրական ցուցակը, կորոշի ինքը։ Կարծում եմ, որ նրա հայտարարություններին երկար չենք սպասի։ Բայց նաեւ չեմ բացառում, որ առանցքը կլինի ԲՀԿ–ն։ Այո, նա կգլխավորի կուսակցության նախընտրական ընդհանուր սխեման, բայց կոնկրետ ինչ ձեւաչափով՝ այդ մասին կասի միայն ինքը եւ մոտ ժամանակներս»,– ասաց Մելքումյանը։