«Հայկական վերածնունդ» կուսակցությունը նպատակահարմար չի համարում որեւէ բլոկի կազմում խորհրդարանական ընտրություններին մասնակցելը։ Այս մասին դեկտեմբերի 9-ին՝ խորհրդարանական ճեպազրույցների ժամանակ, ասել է ՕԵԿ խմբակցության քարտուղար Մհեր Շահգելդյանը։

Նրա խոսքով՝ միավորման կոնտեքստում շատ կուսակցություններ նման ցանկություն են հայտնել։ «Բայց հաշվի առնելով Հայաստանում բլոկի կազմում ընտրություններին մասնակցելու եւ քաղաքական միավորների միջեւ հետագա գործընթացների փորձը՝ մենք նպատակահարմար չենք համարում նախընտրական միությունները»,– ասել է նա։