Արարատի մարզի Դալար գյուղում ողբերգական դեպք է տեղի ունեցել։ Գյուղով անցնող երկաթգծի ուղեփակոցի մոտ այսօր՝ դեկտեմբերի 9-ին, վաղ առավոտյան հայտնաբերվել է երիտասարդ տղամարդու դի՝ գլուխը պոկված։
Ավելի ուշ պարզվել է՝ նա Դալար գյուղի 26-ամյա բնակիչն է, անունը՝ Արայիկ։ Ըստ գյուղում տարածված տեղեկությունների՝ երիտասարդը երեկ գիշեր ինքնասպանություն է գործել երկաթգծի ռելսերի վրա։ Թե ինչ հանգամանքներում է մահացել երիտասարդը, կպարզվի քննության ընթացքում։
Տեղի ունեցած դեպքը NEWS.am-ի հետ զրույցում հաստատել են ոստիկանության լրատվական ծառայությունից, մանրամասներ չեն նշել։ Նշել են, որ հարուցվել է քրեական գործ նշված դեպքով, նշանակվել է դատաբժշկական փորձաքննություն, կատարվում է քննություն։
Մահացածը գյուղապետի եղբոր տղան է: