Հայաստանում ապաստան հայցած Միրզոեւների ընտանիքին անհրաժեշտ բուժօգնություն կցուցաբերվի:
Հայաստանի պետական միգրացիոն ծառայության ղեկավար Գագիկ Եգանյանը NEWS.am-ի թղթակցի հետ զրույցում նշեց, որ այս նպատակի համար գործի են դրվել առողջապահության համապատասխան հաստատությունները:
Ավելի վաղ հաղորդվել է, որ Հայաստանի իշխանություններին է դիմել Շահին Միրզոեւը՝ ապաստան տրամադրելու խնդրանքով: Թալիշների ազատագրական շարժման մասնակիցը եւ «Թալիշ Սադո» թերթի թղթակիցը ստիպված էր Ադրբեջանից փախչել հետապնդումների եւ իրավունքների ոտնահարումների պատճառով: Հայաստանի իշխանությունները Շահին Միրզոեւի խնդրանքին դրական են արձագանքել: