Թուրքիայի նախագահ Ռեջեփ Թայիփ Էրդողանը ցանկանումէ ապրիլին կայանալիք սահմանադրական հանրաքվեից առաջ Ստամբուլի Սուրբ Սոֆիայում ուրբաթօրյա նամազ անել։ Այս մասին գրել է թուրքական Sozcu պարբերականի լրագրող Զեյնեփ Գյուրջանլըն։
Թուրք լրագրողը նշել է, թե Սուրբ Սոֆիայում նամազ անելու Էրդողանի ցանկությունը նախընտրական քարոզարշավի տակտիկական քայլերից է դիտարկվում։
Նա շեշտել է, թե նախատեսվում է որպես թանգարան գործող Սուրբ Սոֆիան հետագայում դարձնել գործող մզկիթ։
Նշենք, որ Սուրբ Սոֆիան բյուզանդական շրջանում կառուցված եկեղեցի է, որի ներկայիս գմբեթը կառուցել է հայ հայտնի ճարտարապետ Տրդատը։
Մեհմեդ 2–ը Կոստանդնուպոլիսը գրավելուց հետո Սուրբ Սոֆիան մզկիթի էր վերածվել։ 1935–ից մինչ օրս Սուրբ Սոֆիան որպես թանգարան է գործում, որի մուտքի տոմսը մոտ 15 դոլար արժի։