Սանկտ Պետերբուրգում տեղի ունեցած պայթյունը որակվել է որպես ահաբեկչություն։ Այս մասին RT–ին հայտնել է Գլխավոր դատախազության ներկայացուցիչ Ալեքսանդր Կուրեննոյը։
«Մոտ ժամանակներս մենք իրավապահ մարմիններից մեր գործընկերների հետ կաշխատենք այն ուղղությամբ, որպեսզի նվազագույնի հասցնենք այդ ահաբեկչության հետեւանքները ու պարզենք բոլոր հանգամանքները, որոնք նպաստել են այդ ահաբեկչության իրականացմանը»,- հայտնել է նա։ Կուրեննոյի խոսքով, դեպքի վայրում իրականացվող ստուգումը «կվերաբերի բոլոր ասպեկտներին»։ Բացի դրանից կներառվեն տրանսպորտային դատախազության աշխատակիցները։ Ալեքսանդր Կուրեննոյը պատմել է, որ գերատեսչությունը «մանրակրկիտ կվերլուծի», թե ինչպես է մետրոպոլիտեն բերվել պայթուցիկ սարք։ «Բավականին բարդ խնդիր է, բայց իրականում՝ լուծելի,- հայտնել է նա,- Անվտանգության համակարգերը գործում են ու ապացուցում իրենց արդյունավետությունը»։
Նախնական տվյալներով, մետրոյի «կապույտ» ճյուղի վրա տեղի ունեցած պայթյունի հետեւանքով զոհվել է առնվազն 10, վիրավորվել մոտ 50 մարդ։