Թուրքիայի ընդդիմադիր «Ժողովորդահանրապետական» (CHP) կուսակցության առաջնորդ Քեմալ Քըլըչդարօղլուն հայտարարել է, թե 2016–ի հուլիսի 15–ի երեկոյան տեղի ունեցած հեղաշրջման փորձի մասին Էրդողանը նախօրոք իմացել է։

Թուրքական Sozcu–ի փոխանցմամբ՝ CHP–ի առաջնորդ Քեմալ Քըլըչդարօղլուն, խոսելով երկրում հեղաշրջման փորձից հետո մամուլի ու քաղաքական գործիչների դեմ ճնշումներին, հայտարարել է, թե իշխող «Արդարություն եւ զարգացում» (AKP) կուսակցության մեջ մոտ 200 գյուլենական կա, ովքեր օգտագործում են գյուլենականների միջեւ հաղորդակցության միջոց համարվող ByLock բջջային հատուկ հավելվածը։

Քըլըչդարօղլուն պնդել է, բոլոր փաստերը ցույց են տալիս, որ Էրդողանը տեղյակ է եղել հեղաշրջման փորձի մասին ու այն պահել է վերահսկողության տակ։

«Էրդողանը գյուլենականների մի մասին համարում է իրեն մտերիմ, իսկ մյուսներին ձերբակալում։ Եթե ինքը արդար է, թող բոլոր գյուլենականների ցանկը հրապարակի»,–ասել է Քըլըչդարօղլուն։