General Motors (GM) ընկերութունը հայտարարել է Վենեսուելայի իշխանությունների կողմից Վալենսիա քաղաքում գործարանի զավթելու մասին։ Այս մասին հաղորդում է «ՌԻԱ Նովոստի»-ն՝ վակայակոչելով Reuters գործակալությանը։
«Երեկ GMV (General Motors Venezolana) գործարանն անսպասելիորեն զբաղեցրել են պետական իշխանության մարմինները, ինչը խոչընդոտել է նորմալ գործունեությանը։ Բացի այդ, ընկերության այլ ակտիվներ, ինչպես ավտոմեքենաները, ապօրինաբար դուրս են տարվել իրենց օբյեկտներից», — ընկերության հայտարարությունը մեջբերում է գործակալությունը։
GM-ը նշել է, որ զավթումը կհանգեցնի ընկերության համար անուղղելի վնասների եւ խոստացել իր իրավունքները պաշտպանելու համար դատարան դիմել։