Թուրքիայում սահմանադրական փոփոխությունների դրական արդյունքներից հետո Թուրքիայի նախագահ Ռեջեփ Թայիփ Էրդողանը կրկին կանդամակցի «Արդարություն եւ զարգացում» կուսակցությանը։

Թուրքական Cumhuriyet–ի փոխանցմամբ՝ մայիսի 2–ին Թուրքիայի իշխող «Արդարություն եւ զարգացում» կուսակցության ղեկավար կազմի խորհրդի նիստում որոշում է կայացվելու նախագահ Ռեջեփ Թայիփ Էրդողանին կուսակցության անդամ դարձնել։

Նշվում է, որ ավելի ուշ Էրդողանը նաեւ կգլխավորի իր ստեղծած «Արդարություն եւ զարգացում» կուսակցությունը։

Նշենք, որ սահմանադրական փոփոխությունների արդյունքում Թուրքիայի նախագահը կարող է լինել կուսակցական։