Թուրքական ընդդիմադիր գործիչ Քեմալ Կիլիչդարօղլուն մտադիր է բողոքի ակցիա անցկացնել Անկարայի այգիներից մեկում, հայտնում է Hurriet-ը։
«Մենք կսկսենք մեր երթը Գյուվեն պուրակից։ Մենք արդարադատություն ու արդարություն ենք պահանջում»,- ասել է նա։ Նրա խոսքով,Բերբերօղլուն 25 տարվա ազատազրկման է դատապարտվել առանց նրա մեղավորության որեւէ ապացույցի։ «Սա ի՞նչ դատավարություն է։ Մենք երբեք նման դատարան չենք ընդունի»,- նշել է ընդդիմադիրը։
Թուրքական լրատվամիջոցների տվյալներով, բողոքի ակցիան կանցնի նաեւ Ստամբուլում։
Բերբերօղլուն մեղադրվում է Cumhuriyet թերթին տեսանյութեր փոխանցելու մեջ, որտեղ երեւում էր, թե ինչպես է թուրքական հետախուզությունը զենք մատակարարում Սիրիա։