Հայաստանում անհրաժեշտ է ստեղծել Գարդմանից եւ Շիրվանից փախստականների ժառանգության թանգարան: Այս մասին հունիսի 19-ին՝ լրագրողների հետ հանդիպման ժամանակ ասաց պատմական գիտությունների դոկտոր, նախկին «Ղարաբաղ» կոմիտեի անդամ, ԱԺ նախկին պատգմավոր Ալեքսան Հակոբյանը:
Նա առաջարկեց ՀՀ 2018 թվականի բյուջեի մեջ կետ մտցնել նման թանգարանի ստեղծման մասին: Ըստ նրա հաշվարկի՝ դրա համար կպահանջվի մոտ 5-6 մլն դրամ: «Մենք Լեռնային Ղարաբաղում ստեղծել ենք Բերձորի Երկրաբանական թանգարանը: Այն հայտնի է ամբողջ աշխարհում: Միջազգային բոլոր պատվիրակություններն այցելում են այս թանգարան եւ շատ հետաքրքիր խթաններ են ստանում»,- նշեց Հակոբյանը:
Նա այնուհետեւ շարունակեց, որ նոր թագարանի գաղափար է առաջացել, որը կմիավորի Գանձակի, Բաքվի, Շամխորի հայությանը: «Գարդմանի եւ Շիրվանի աշխարհաքաղաքական թանգարանը կունենա նաեւ հումանիտար դեր, կբացահայտի հայերի նյութական մշակույթի առանձնահատկությունները, որոնք ինչ-որ ժամանակ ապրել են Ադրբեջանում: Սա կարեւոր է նաեւ գիտական ու ճանաչողական տեսանկյունից»,- ընգծեց Ալեքսան Հակոբյանը:
Առաջարկվում է թանգարանը ստեղծել Երեւանին մերձակա քաղաքներից մեկում, օրինակ՝ Հաճընում, Բյուեղավանում, Աբովյանում կամ Չարենցավանում: «Ես գիտեմ, որ թանգարանի ստեղծումը ինչ-որ բարդ գործ չի: Ինչ վերաբերում է նյութերին, ապա փախստականների շարքում ակտիվիստներ կան, որոնք կարող են մեկ շաբաթում եզակի նյութ հավաքել»,- հավաստիացրեց հասարակական գործիչը:
