Թուրքիայում հեղաշրջման նոր փորձն անհնար է, սակայն ընդդիմադիր իսլամական քարոզիչ Ֆեթուլլահ Գյուլենի կազմակերպության դեմ (FETO) պայքարը, ում Անկարան պատասխանատու է համարում անցյալ տարվա խռովության համար, դեռեւս ավարտված չէ: Այս մասին հայտարարել է Թուրքիայի վարչապետ Բնալի Յըլդըրըմը հեղաշրջման փորձի առաջին տարելիցի նախաշեմին, հայտնում է Hurriyet-ը:
Նրա խոսքով` նման իրավիճակը բացառված է. «Սակայն եթե որեւէ մեկը վճռի նման խելահեղության դիմել, ապա էլ ավելի մեծ գին կվճարի: Չափազանց վաղ է ասել, որ FETO-ի դեմ պայքարն ավարտվել է: Դատավարություններն ընթանում են, դրանց ընթացքում շատ բան կարող է պարզվել»:
Թուրքիայի վարչապետը մեկնաբանել է երկրի հիմնական ընդդիմադիր Ժողովրդահանրապետական կուսակցության նախագահ Քեմալ Քըլըչդարօղլուի հայտարարությանն այն մասին, որ պետական հեղաշրջման նախապատրաստման մասին իշխանություններին նախապես էր հայտնի, եւ խռովությունը «կառավարելի» էր. «Սա Քըլըչդարօղլուի անձնական կարծիքը չէ: Սա ԱՄՆ-ում FETO-ի «ուղեղային կենտրոնի» աշխատանքի արդյունքն է»:
