Իրանի նախագահ Հասան Ռոհանիի եղբայրը՝ Հուսեյն Ֆերեյդունը, որին ֆինանսական հանցագործությունների մեղադրանքով կիրակի ձերբակալել էին, գրավի դիմաց ազատ է արձակվել։ Այս մասին հաղորդում է «ՌԻԱ Նովոստի»-ն՝ վկայակոչելով իրանական լրատվամիջոցները։
Երկուշաբթի, IRNA գործակալության փոխանցմամբ, Իրանի նախագահի եղբորը դատարանի դահլիճից հիվանդանոց են տեղափոխել։
Նշվում է, որ երկուշաբթի երեկոյան դատարանը համաձայնել է գրավի դիմաց նրան ազատ արձակել։ Լրատվամիջոցների տվյալներով՝ նախապես գրավի գումարը 500 միլիարդ ռիալ է եղել (13.3 միլիոն դոլար), բայց ի վերջո դատարանը համաձայնել է 8.3 միլիոն դոլար գրավի։
