Հայաստանի խորհրդարան ընտրված կանանց թիվը 2005 թվականի համեմատությամբ 4,6 տոկոսով ավելացել է եւ կազմել 9,9 տոկոս: Այս մասին նշված է Եվրոպայի խորհրդի անդամ երկրների քաղաքական եւ հասարակական կյանքին կանանց մասնակցության մասին զեկույցում:
Այս ցուցանիշը մի փոքր ցածր է Եվրոպայում կին խորհրդարանականների միջին մակարդակից՝ 25,6 տոկոս: Հատկապես ցածր են ցուցանիշները կին քաղաքապետերի շարքում (ամբողջ երկրում քաղաքապետերի ընդհանուր թվի միայն 1,9 տոկոս):
Զեկույցում ներկայացված թվերը ցույց են տալիս, որ շատ կանայք ներկայացված են քաղաքական կուսակցությունների ղեկավար կազմում: Զեկույցի համաձայն՝ կուսակցական առաջնորդների թվում կանայք կազմում են 40 տոկոս:
Աճում է նաեւ կին դեսպանների թիվը (2005 թվականի համեմատությամբ 7,1 տոկոսով):
Ինչ վերաբերում է Եվրոպայի խորհրդի Խորհրդարանական վեհաժողովի պատվիրակներին, ապա հայկական պատվիրակության կին անդամների թիվը (37,5 տոկոս) ավելի շատ է, քան Եվրոպայում միջին թիվը:
