ՌԴ Կրասնոդարի երկրամասի Արմավիր քաղաքի ռեստորանում հրաձգությունից զոհվել է 3 մարդ, այդ թվում՝ Ռոսգվարդիայի մեկ աշխատակից, հայտնում է ՏԱՍՍ-ը՝ վկայակոչելով ՌԴ ՔԿ Քննչական վարչության մամուլի ծառայությունը։
«Արմավիրի ռեստորաններից մեկում հրաձգություն է սկսվել, մեկ մարդ տեղում մահացել է, եւս երկուսը մահացել են հիվանդանոցում։ Զոհերի թվում կա Ռոսգվարդիայի մեկ աշխատակից։ Հանգամանքները պարզվում են»,- ասել է գերատեսչության ներկայացուցիչը։
Հարուցվել է քրեական գործ, կատարվածի պատճառները դեռեւս անհայտ են։
Ավելի վաղ հաղորդվում էր, որ նոյեմբերի 26-ին Արմավիրում սպանվել է Ռոսգվարդիայի մեկ աշխատակից, որը փորձել էր բաժանել կոնֆլիկտի մասնակիցներին։
