Վրաստանի նախկին նախագահ Միխայիլ Սաակաշվիլին հայտարարել է, որ Ուկրաինայում ոչ մի պաշտոնի չի հավակնում, սակայն քաղաքացիներին կոչ է արել երեքշաբթի երեկոյան գալ Կիեւի կենտրոն՝ գործող իշխանություններին բողոք հայտնելու։
«Այսօր դուք ինձ իսկապես փրկեցիք, հնարավոր է՝ մահից։ Քանի որ դուք իմ կյանքն եք փրկել, ապա հիմա իմ կյանքը պատկանում է Ուկրաինայի ժողովրդին։ Ես Մայդանի վետերաններին, հասարակ ուկրաինացիներին կոչ եմ անում, ինձ պետք չէ որեւէ պաշտոն Ուկրաինայում, աշխատանքից հետո անմիջապես այստե՛ղ եկեք»,– ասել է Սաակաշվիլին՝ ելույթ ունենալով Գերագույն ռադայի մոտ իր համախոհների առաջ։
Սաակաշվիլին իր ելույթում նորից է նախագահին իմպիչմենտ հայտնելու կոչ արել։ Նա իշխանություններին մեղադրել է սադրանքների մեջ՝ նշելով, որ իր ակցիաներում հանցավոր ոչինչ չի եղել։
«Ինչպե՞ս նրանք կարող էին ինձ նման բանում մեղադրել, ամեն բան սահման ունի։ Մենք պետք է այսօր հավաքվենք այստեղ եւ խաղաղ ու հանգիստ խորհրդարանին ասենք, որ բավակա՛ն է։ Բանդա՛, հեռացի՛ր, Պորոշենկո՛, հեռացի՛ր, իմպիչմենտ»,– ասել է նա։